Klinika Emergjente në Qendrën Klinike Universitare të Kosovës është e mbingarkuar me raste, vetëm brenda katër ditëve në këtë klinikë kanë kërkuar ndihmë mjekësore 871 pacientë me sëmundje të ndryshme.
“Prej tyre, 96 pacientë janë pranuar për trajtim të mëtejmë në klinikat kirurgjike, internistike dhe Mjekim Intensiv Qendror”, thuhet në raportin e ShSKUK-së.
Gjithashtu në njoftim thuhet se gjatë kësaj kohe janë kryer 15 operacione emergjente, 57 raste pas aksidenteve në trafik si dhe shtatë raste të helmimit./Gazeta Shneta/