Përdorimi i barnave antihipertensive shoqërohet me një rrezik të reduktuar për demencë krahasuar me hipertensionin e patrajtuar, sipas një studimi të publikuar më 12 shtator në “JAMA Network Open”.
Dr. Matthew J. Lennon, nga Universiteti i Uellsit të Ri Jugor në Sidnej dhe kolegët ekzaminuan 17 studime me 34,519 të moshuar që banojnë në komunitet (mosha mesatare, 72.5 vjeç) dhe një ndjekje mesatare prej 4.3 vjetësh.
Studiuesit zbuluan se individët me hipertension të patrajtuar kishin një rrezik të rritur ndjeshëm për demencë krahasuar me grupin e shëndetshëm dhe me individët me hipertension të trajtuar.
Rreziku për demencë nuk u rrit ndjeshëm për ata me hipertension të trajtuar kundrejt grupit të shëndetshëm.
“Përdorimi i barnave antihipertensive u shoqërua me zvogëlimin e rrezikut të demencës në individët e vonshëm me hipertension; kështu, reduktimi i rrezikut të demencës mund të jetë një nga qëllimet e shumta të trajtimit antihipertensiv në jetën e vonë (p.sh., parandalimi i sëmundjes ishemike të zemrës, sëmundjet kronike të veshkave)”, shkruajnë autorët. /Gazeta Shneta/