Në kohën kur kafja e mëngjesit është në rënie, një trend i ri po bëhet viral në internet: pirja e një gotë vaji ulliri ekstra të virgjër menjëherë pas zgjimit.
Njerëzit po raportojnë se ky ritual u jep një ‘restart’ trupit, duke promovuar edhe shëndetin e tyre në mënyra të ndryshme. Por sa të vërteta janë pretendimet për përfitimet shëndetësore të kësaj rutine?
Sipas ekspertëve të shëndetit, yndyrat janë pjesë thelbësore e një diete të shëndetshme. Një nga zgjedhjet më të mira të yndyrave, thonë ata, është vaji i ullirit ekstra i virgjër, i cili është i pasur me polifenole antiinflamatore dhe antioksidantë që mund të ndihmojnë në reduktimin e rrezikut të sëmundjeve të zemrës, shkruan Time, transmeton Gazeta Shneta.
Studimet tregojnë se konsumimi i rregullt i vajit të ullirit mund të lidhet me një rrezik të zvogëluar të sëmundjeve kardiovaskulare dhe të zhvillimit të kancerit të gjirit ose të sistemit tretës. Megjithatë, ekspertët bëjnë thirrje për moderim, duke theksuar rëndësinë e madhësisë së porcionit dhe konsumimit të llojeve të duhura të yndyrave në dietën tonë.
Nëse po përpiqeni të humbni peshë ose të ruani peshën e tashme, ekspertët rekomandojnë shmangien e pirjes së vajit të ullirit me tepricë. Në vend të kësaj, ata sugjerojnë konsumimin e yndyrave të shëndetshme të tjera si avokado dhe gjalpë arrash, të cilat janë të pasura edhe me fibrat dhe lëndët ushqyese të nevojshme për trupin tonë.
Pra, edhe pse vaji i ullirit ekstra i virgjër ka përfitimet e tij, moderimi dhe kombinimi i tij me një dietë të balancuar janë çelësi për të arritur një shëndet më të mirë dhe për të shmangur efektet negative të pirjes së tij në sasi të tepërt./Gazeta Shneta/