Këto substanca të pranishme në shumë ushqime bimore, kanë qenë objekt i studimeve të ndryshme dhe veprimi i tyre kundër disa sëmundjeve dhe kundra plakjes së parakohshme është më shumë sesa i demonstruar. Nëse njeh ushqimet që përmbajnë më shumë, mundesh të sigurosh të gjitha përfitimet.
Ajo që ha dhe zakonet e tua të jetës mund të favorizojnë formimin e radikaleve të lira (substanca që dëmtojnë qelizat dhe që përshpejtojnë plakjen e hershme) ose, në të kundërt, të të mbrojnë nga ato. Sekreti është të zgjedhësh ushqime që sjellin një sasi të madhe antioksidantësh. Këto komponentë veprojnë duke stabilizuar radikalet e lira, duke ndihmuar kështu të vonohen proceset që këto përshpejtojnë, si plakja, dhe shfaqja e sëmundjeve kardiovaskulare, si ajo e diabetit, Alzheimerit, artritit ose tumoreve.
SI FORMOHEN RADIKALET E LIRA
Frymëmarrja dhe metabolizmi i ushqimeve janë dy procese organike të domosdoshme, por gjenerojnë radikale të lira. Në normë, organizmi i njeriut është i pajisur për të neutralizuar këto substanca, që e sulmojnë në vazhdimësi. Problemi është kur janë të pranishme në sasi të mëdha, sepse munden të kompromentojnë shëndetin e qelizave tona.
MBROJTJA MË E NATYRSHME
Radikalet e lira munden të neutralizohen nga substanca të ndryshme mbrojtëse. Organizmi prodhon tre enzima që mbrojnë: superoksid dismutasi (që parandalon arteriosklerozën), glutation perossidasi (i cili eleminon toksinat nga organizmi) dhe katalaza (që neutralizon një përbërje të dëmshme të gjeneruar nga metabolizmi ynë). Ndotja mjedisore, një ushqyerje e keqe dhe stresi mund të provokojnë një ngopje me radikale të lira në organzimin tonë. Një ushqyerje e pasur në antioksidantë ofron një ndihmë të madhe për t’i neutralizuar.
ZARZAVATET TË MBROJNË
Të zgjedhësh ushqime me origjinë bimore dhe të pakësosh konsumin e yndyrnave është një metodë e shkëlqyer për t’i bërë ushqimet e duhura, një instrument të fuqishëm antioksidant.
TE DOMOSDOSHËM NË TRYEZE
Disa ushqime dallohen veçanërisht për efektin e tyre mbrojtës mbi qelizat e organizmit.
Kakao. Mjaftojnë pak gramë në ditë për të shfrytëzuar fuqinë e saj antioksidante.
Hudhër dhe Qepë. Përmbajnë deri në pesë komponentë antioksidantë të ndryshëm, që përmirësojnë sëmundjet vaskulare dhe mbrojnë nga infeksionet.
Lëngje frutash. Pije menjëherë pasi e ke përgatitur, derisa drita dhe ajri nuk dëmton komponentët mbrojtës, dhe në veçanti vitaminën C.
Infuzione. Përmbajtja e tyre nga përbërje fenolesh është e shkëlqyer për zemrën dhe mbron nga tumoret.
Shtesat Ushqimore. Embrioni i grurit është i pasur me vitaminë E, me fuqi të madhe antioksiduese.
Shtoni, hera herës, një ose dy lugë në sallatën tuaj (që sjellin në vetvete shumë antioksidantë).