Një zhvillim i ri në trajtimin e diabetit të tipit 2 mund të sjellë një alternativë më të përballueshme dhe praktike për pacientët.
Kompania farmaceutike Novo Nordisk ka njoftuar se versioni oral i semaglutidit, i njohur më parë si ‘Rybelsus’, do të riemërtohet si “pilula Ozempic” dhe do të dalë së shpejti në tregun amerikan, shkruan burimi Medical News Today transmeton Gazeta Shneta.
Ky formulim i ri është më i përthithshëm, duke ofruar të njëjtën efektivitet dhe siguri si versioni i mëparshëm.
Pilula do të jetë e disponueshme në doza të ndryshme dhe mund të merret përmes farmacive, shërbimeve online shëndetësore dhe porosive me postë.
Çmimi pritet të ndryshojë sipas sigurimeve shwndetwsore, por për disa pacientë mund të jetë dukshëm më i ulët krahasuar me injeksionet.
Semaglutidi është një ilaç që ndihmon në kontrollin e sheqerit në gjak, ul oreksin dhe ngadalëson tretjen. Ai është i miratuar për trajtimin e diabetit të tipit 2 dhe për menaxhimin afatgjatë të peshës trupore.
Ndërsa forma me injeksion e Ozempic është më efektive në disa raste, pilula ofron përparësi si lehtësia në përdorim dhe transport. Megjithatë, ajo duhet të merret çdo ditë dhe mund të ketë efekte anësore më të shpeshta.
Ekspertët theksojnë se zgjedhja mes pilulës dhe injeksionit varet nga nevojat individuale të pacientit dhe duhet të bëhet në konsultim me mjekun.
/Gazeta Shneta/