Instituti Kombëtar i Shëndetit Publik (IKSHPK) ka bërë të ditur se nga 3,031 testime të kryera janë konfirmuar 246 raste pozitive me Covid-19.
Fatmirësisht, në 24 orët e fundit nuk ka ndërruar jetë asnjë pacientë shkruan GazetaShneta.
“Brenda 24 orëve nuk janë raportuar raste të vdekjes.
Numri total i rasteve pozitive është 64.341 raste nga 266.585 persona të dyshimtë në virusin SARS-CoV-2 dhe 1.544 raste të vdekjes”, thuhet në njoftimin e fundit të IKSHPK-së.
Përgjatë kësaj periudhe janë shëruar 201 pacientë, ndërsa numri i përgjithshëm i të shëruarve është 55,761.
Komunat që regjistruan sot raste pozitive janë: Prishtinë 95 raste, Pejë 24 raste, Gjakovë 17 raste, Lipjan 13 raste, Podujevë 12 raste, Fushë-Kosovë 10 raste, Mitrovicë 10 raste, Gjilan 9 raste, Prizren 8 raste, Malishevë 6 raste, Rahovec 6 raste, Suharekë 5 raste, Skenderaj 4 raste, Vushtrri 4 raste, Deçan 3 raste, Istog 3 raste, Kamenicë 3 raste, Klinë 3 raste, Obiliq 3 raste, Drenas 2 raste, Graçanicë 2 raste, Viti 2 raste dhe me nga 1 rast komunat Dragash dhe Ferizaj.
Aktualisht, vendi ynë po përballet me 7,036 raste aktive./GazetaShneta/