B.B. shef i Laboratorit, S.B.Kryeteknik i Laboratorit dhe V.T Laborant i Laboratorit në QMF 1 në Vushtrri janë arrestuar mbrëm nga Policia e Kosovës nën dyshimin se të tre kanë shkruar analiza pa ekzaminim.
Hetuesit Policorë nga Drejtoria për Hetimin e Krimeve Ekonomike dhe Korrupsionit në njësin rajonale në Mitrovicën e Jugut në koordinimi më Inspektoriatin e Ministrisë së Shëndetësisë tash e disa muaj kanë zhvilluar hetime në laboratorin e analizave në Qendrën e Mjekësisë Familjare në Vushtrri.
“Gjatë inspektimit janë konfiskuar libra të protokollit dhe raporte mjekësore për të cilat dyshohet se laboranti V.T., (viti i lindjes 1959, mashkull kosovar) në bashkë-kryerje me kryeteknikun e këtij laboratori S.B., (viti i lindjes 1968, mashkull kosovar) kanë shënuar vlera pa i ekzaminuar fare sipas procedurës mjekësore (centrifugim dhe ekzaminim mikroskopik) dhe duke i paraqitur ashtu si kanë dashur në raportet mjekësore të pacienteve, duke filluar nga data 01.04.2022 e deri me datën 31.05.2022”, thuhet në komunikatën e Policisë së Kosovës.
Të arrestuarve i është caktuar masa e ndalimit për 48 orë. /Gazeta Shneta/
