Në seancën e djeshme të Kuvendit, deputetja nga radhët e Vetëvendosjes, Fitore Pacolli, kërkoi nga kryeministri Haradinaj të japë dorëheqje. Njënga arsyet e kërkimit të dorëheqjes nga ajo ishte mungesa e barnave esenciale.
Për këtë ka reaguar edhe deputetja e Partisë Socialdemokrate, Besa Baftiu. Ajo ka thënë për “Zërin” se pasi buxheti për Ministrinë e Shëndetësisë këtë vit ka qenë më i lartë, nuk duhej të kishte pasur mungesë barnash.
“Buxheti për shëndetësi është rritur këtë vit, andaj kjo mungesë e barnave që është në të gjitha institucionet publike është e pajustifikueshme”, ka thënë ajo.
Në anën tjetër, edhe deputetja nga radhët e AAK-së, Time Kadrijaj, ka thënë se do të duhej që të kishte përparime sa i përket furnizimit me barna nga lista esenciale.