Preeklampsia është një ndërlikim serioz i shtatzënisë që zakonisht shfaqet pas javës së 20-të. Kjo gjendje karakterizohet nga tension i lartë i gjakut dhe prania e proteinave në urinë. Ndër të tjera, prek rreth 5–8% të shtatzënive dhe mund të paraqesë rrezik për nënën dhe foshnjën nëse nuk trajtohet.
Preeklampsia shkakton ngushtim të enëve të gjakut, duke rritur presionin e gjakut. Shumica e grave që preken lindin fëmijë të shëndetshëm dhe shërohen plotësisht, por kërkohet kujdes i menjëhershëm mjekësor, shkruan Parents përcjell Gazeta Shneta.
Shenjat e zakonshme përfshijnë:
- Shtim i papritur në peshë (më shumë se 2 kg në javë), për shkak të mbajtjes së ujit.
- Presion i lartë i gjakut (140/90 mmHg ose më shumë).
- Ënjtje e tepërt e duarve, fytyrës dhe këmbëve që nuk kalon pas pushimit.
- Dhimbje koke të forta.
- Prania e proteinave në urinë.
Simptoma të tjera të rënda që kërkojnë kontakt të menjëhershëm me mjekun përfshijnë:
- Probleme me shikimin (shikim i paqartë, drita ndezëse).
- Nauze, të vjella dhe dhimbje në zonën e kraharorit.
- Konfuzion, ankth dhe frymëmarrje e vështirë.
Kontrollet e rregullta të tensionit të gjakut dhe urinës gjatë shtatzënisë janë të domosdoshme për të diagnostikuar në kohë këtë gjendje dhe për të parandaluar ndërlikimet. /Gazeta Shneta/