Të mbetesh shtatzënë pas ndërprerjes së injeksioneve Depo-Provera mund të kërkojë kohë. Ekspertët thonë se fertiliteti zakonisht rikthehet brenda 10 deri në 18 muajve pas dozës së fundit, megjithëse te disa gra ovulacioni mund të rifillojë më herët.
Depo-Provera është një injeksion kontraceptiv hormonal që përdoret çdo 3 muaj për të parandaluar shtatzëninë. Ky injeksion funksionon duke ndalur ovulacionin, pra nuk lejon lirimin e vezës nga vezoret. Kur e ndërpret, trupi nuk rikthehet menjëherë në ciklin normal, prandaj mund të ketë konfuzion rreth shenjave të shtatzënisë.
Një nga shenjat më të njohura të shtatzënisë është mungesa e menstruacioneve, por kjo mund të mos jetë tregues i besueshëm pas ndërprerjes së Depo-Proveras.
Shumë gra ndalojnë së pasuri cikël menstrual gjatë përdorimit të këtij kontraceptivi dhe menstruacionet mund të mbeten të çrregullta për muaj të tërë edhe pasi fertiliteti të ketë filluar të rikthehet, shkruan burimi Very Well Health transmeton Gazeta Shneta.
Shenja të tjera të hershme që mund të tregojnë shtatzëni përfshijnë të përzierat, lodhjen e vazhdueshme, ndjeshmërinë ose ënjtjen e gjinjve, urinimin e shpeshtë, ndryshimet e humorit, ndryshimet në oreks, dhimbjet e kokës dhe njollat e lehta të gjakut.
Megjithatë, disa prej këtyre simptomave mund të shfaqen edhe si pasojë e ndërprerjes së Depo-Provera.
Ky kontraceptiv hormonal vepron duke ndaluar lirimin e vezës nga vezoret dhe siguron mbrojtje kundër shtatzënisë për rreth tre muaj pas çdo injeksioni. Pas ndërprerjes, rikthimi i ovulacionit mund të zgjasë mesatarisht nga pesë deri në shtatë muaj, në varësi të moshës, peshës dhe dozave të përdorura.
Për gratë që planifikojnë shtatzëni, rekomandohet ndërprerja e injeksioneve rreth një vit përpara se të tentojnë të mbeten shtatzënë. Rreth gjysma e grave arrijnë shtatzëninë brenda 10 muajve nga doza e fundit, ndërsa shumica brenda 18 muajve.
Nëse cikli menstrual vazhdon të jetë i çrregullt dy vjet pas injeksionit të fundit ose shtatzënia nuk ndodh brenda një viti nga rikthimi i ovulacionit, këshillohet konsultimi me mjekun.
Megjithatë, specialistët theksojnë se Depo-Provera zakonisht nuk shkakton infertilitet të përhershëm dhe vonesa në fertilitet është zakonisht e përkohshme. /Gazeta Shneta/