Një çift nga Bengali Perëndimor shiti fëmijën e tyre 8 muajsh për të blerë një iPhone 14 për të bërë video të shkurtra në Instagram.
Një rast tronditës ka ndodhur në Bengalin Perëndimor, ku një çift kaluan limitet vetëm për të bërë video të shkurtra në Instagram gjersa udhëtonin në të gjithë shtetin, shitën fëmijën e tyre, shkruan Mint, transmeton Gazeta Shneta.
Ngjarja u zbardh pasi fqinjët vunë re se foshnja tetëmuajshe e familjes ishte zhdukur. Ata nisën të dyshojnë kur çifti bleu telefonin e shtrenjtë dhe udhëtoi nëpër Bengalin Perëndimor për të bërë video, teksa foshnja e tyre nuk dukej gjëkundi.
Policia ka arrestuar nënën, ndërsa babai mbetet i arratisur. Nëna rrëfeu në polici se ata e shitën fëmijën për të blerë iPhone për të krijuar ‘’reels’’ në Instagram, që të shfaqnin udhëtimet e tyre nëpër Bengalin Perëndimor. Policia ka hapur rastin ndaj çiftit si dhe gruas që bleu foshnjën në një rast lidhur me trafikun e qenieve njerëzore.
Fatkeqësisht, ky nuk është incidenti i parë. Kanë dalë disa raportime, madje edhe nga vende të tjera, ku njerëzit kanë shitur fëmijët e tyre për iPhone. Në vitin 2016, një çift kinez dyshohet se shiti vajzën e tyre të porsalindur tetëmbëdhjetëditëshe për 3530 dollarë për të blerë një iPhone.
Këtë vit, një grua australiane shprehu dëshirën e saj në gjykatë për të shkëmbyer fëmijën e saj të palindur me një iPhone. Ajo mbylli dy nga vajzat e saj brenda një makine për nëntë orë duke çuar në vdekjen e tyre./Gazeta Shneta/