Eli Lilly, kompania që qëndron pas medikamenteve duke përfshirë Mounjaro dhe Zepbound, nisi një fushatë të re reklamuese gjatë Oscars duke u kërkuar individëve që të mos i merrnin ilaçet e tyre vetëm për të marrë një madhësi më të vogël të fustanit.
Ilaçet për humbjen e peshës kanë qenë të përhapura në Hollivud muajt e fundit, me shumë të famshëm që tregojnë hapur përdorimin e tyre të ilaçeve të tilla për të hequr kilogramët e padëshiruar, shkruan burimi Health News përcjell Gazeta Shneta.
Tani, prodhuesi i barnave Eli Lilly po thërret ata që po marrin medikamente për arsye jashtë indikacioneve të tyre të miratuara nga FDA – duke treguar me gisht “kotësinë” e yjeve të Hollivudit.
Eli Lilly transmetoi reklamën e tyre të re, të titulluar ” Big Night”, gjatë Oscars të dielën.
“Disa njerëz kanë përdorur ilaçe të cilat nuk kanë qenë të destinuara kurrë për ta,”. “Për fustanin më të vogël ose smoking, për një natë të madhe – për kotësi.”
Prodhuesi i barnave njoftoi javën e kaluar “Fushatën e saj më të mirë”, duke shpjeguar se qëllimi i tyre është të tërheqë vëmendjen për rëndësinë e trajtimit të obezitetit si sëmundje dhe përdorimin e duhur të medikamenteve kundër obezitetit.
Reklama vjen në mes të mungesave të mëdha të këtyre medikamenteve të lakmuara, të cilat kanë bërë që pacientët me diabet – të cilët kanë nevojë për to për arsye mjekësore – të mos kenë mundësi t’i qasen ndërsa të tjerët i përdorin ato për qëllime kozmetike jo thelbësore.
“Siguria e pacientëve është përparësia kryesore e Lilly-t dhe ilaçet tona janë të indikuara për trajtimin e sëmundjeve të rënda,” kanë thënë zyrtarët nga kompania. “Ato nuk janë studiuar, nuk janë miratuar dhe nuk duhet të përdoren për humbje peshe kozmetike, dhe në Lilly ne besojmë se është e rëndësishme që në konsultim me ofruesit e tyre të kujdesit shëndetësor, njerëzit e duhur të kenë akses në këto ilaçe.” /Gazeta Shneta/