Profesori i mjekësisë Dr. Sami Salihu ka mbajtur një ligjëratë me temën “Tumoret e kavitetit oral” në Qendrën Trajnuese të Mjekësisë Familjare në Ferizaj.
Ligjërata është mbajtur në kuadër të Edukimit të Vazhdueshëm Profesional ku kishte numër të madh të të interesuarve për të mësuar nga përvoja e kirurgut të njohur, transmeton Gazeta Shneta.
Njoftimi i plotë nga QKMF-Ferizaj:
Në Qendrën Trajnuese të Mjekësisë Familjare, në kuadër të Edukimit të Vazhdueshëm Profesional, sot ligjëroi Prof.Dr. Sami Salihu – kirurg maxillofacial, i njohur për arritjet në fushën e tij profesionale edhe jashtë kufijve të vendit tonë. Tema e kësaj ligjërate “Tumoret e kavitetit oral”, veç tjerash ishte e pasur me raste nga përvoja shumëvjeçare e profesorit në këtë fushë dhe si e tillë zgjoi interesim të madh te pjesëmarrësit. Vlen të theksohet se në këtë ligjëratë përveç profesionistëve të Sektorit të Stomatologjisë në QKMF, morën pjesë edhe mjekë stomatologë, teknikë dentarë dhe infermiere nga sektori privat, si dhe mjekë të fushave të tjera të mjekësisë.
