Gjinekologia Dr. Edibe Hoda-Borovci ka treguar se Testi Nifty është një nga testet më të sakta dhe gjithmonë e rekomandon për rastet kur ka dyshime të çrregullimeve të frytit në shtatzëni
Doktoresha Edibe shpjegon se Nifty është test për detektimin gjenetik të anomalive kromozomale. “Është test jo invaziv (që merret vetëm gjaku i shtatzënës), me të cilat bëhet detektimi i aberracioneve dhe anomalive kromozomale”, thotë ajo.
Gjinekologia tregon se testin e rekomandon nga Java e 10-të e shtatzënisë. “Nga java e 10 gestative kryesisht aplikohet testi NIFTY, kurse moshat mbi 35 vjeçare kryesisht rekomandohet të bëhet testi, si dhe te anamnezat familjare (psh. Familjarët që kanë sëmundje të trashëguara). Kryesisht këtë analizë e rekomandoj në rastet kur kemi rezultatet e double dhe triple testit të dyshimtë”, ka deklaruar mjekja Hoda-Borovci.
Mjekja tregon se Nifty detekton Sindromin Down, Aneuploditë kromosomale, Sindromin Patau dhe Edwards, Sindromet e Delecionit. “Sensitiviteti ose saktësia e testit është mbi 99%. Tani për tani është një nga testet më të sakta”, ka deklaruar doktoresha.
Mjekja thotë se e bën selektimin maksimal të rekomandimit për NIFT test dhe zakonisht i rekomandon vetëm rastet e dyshimta pasi që kryesisht në fillim rekomandon double dhe triple test.
Në fund gjinekologia ka treguar se ka disa raste kur testi ka ndihmuar në identifikimin e diagnozës pas dyshimeve që kanë rezultuar nga double apo triple testet. /Gazeta Shneta/
Për të mësuar më shumë për Testin Nifty mund të klikoni KËTU.