Diana Shehu- Devaja, profesionistja shëndetësore me përvojë të gjatë në fushën shëndetësore, po kandidon për deputete nga radhët e Partisë Demokratike të Kosovës (PDK). Në listën zgjedhore të këtij subjekti politik, Shehu- Devaja gjendet me numrin 108.
Diana Shehu Devaja ka lindur më 28 janar 1968 në Gjakovë, ku ka përfunduar arsimin fillor dhe të mesëm. Studimet universitare i ka ndjekur në Universitetin e Prishtinës, në degën e Stomatologjisë, ndërsa specializimin e përfundoi në Universitetin e Prishtinës ne degën e Ortodoncisë.
Ajo është nënë e dy fëmijëve: djali i saj është stomatolog, ndërsa vajza juriste. Bashkëshorti i saj ushtron profesionin si specialist i Gjinekologjisë & Obstetrikës.
Familja Devaja përfaqëson një familje me traditë shumëdekadëshe në profesionin e mjekësisë, ku për breza të tërë është ushtruar me përkushtim dhe përgjegjësi profesioni i shëndetësisë.
Që nga viti 2008, Dr. Diana Shehu Devaja ushtron detyrën e inspektores shëndetësore në Inspektoratin Shëndetësor në Ministrinë e Shëndetësisë, ku ka dhënë një kontribut të vazhdueshëm në mbrojtjen e shëndetit publik, zbatimin e ligjit dhe forcimin e standardeve shëndetësore. Paralelisht, ajo ushtron profesionin e saj si specialiste e ortodoncisë në sektorin privat, ku ofron shërbime profesionale me standarde të larta etike.
Me përvojë të gjatë në shëndetësi, integritet profesional dhe përkushtim ndaj interesit publik, Dr. Diana Shehu Devaja përfaqëson zërin e profesionistëve dhe të grave të angazhuara, duke synuar forcimin e sistemit shëndetësor, ligjshmërisë dhe mirëqenies së qytetarëve.
Diana Shehu- Devaja gjendet në listën zgjedhore të PDK-së me numrin 108.