Psikologët klinikë po kërkojnë të anulohet në tërësi konkursi për dy pozita të lira për psikolog klinik në Qendrën Klinike Universitare të Kosovës.
Kërkesa e tyre vjen pasi SHSKUK vendosi që në kriteret e shkollimit të mos futet edhe specializimi, çka shkaktoi pakënaqësi tek disa specialistë të kësaj lëmie, shkruan Gazeta Shneta.
Por pas ankesave dhe presionit medial nga Gazeta Shneta, administrata vendosi që ta përmirësoj konkursin duke vendosur kriterin e specializimit por duke mos ndryshuar koeficientin.
Megjithatë specialistët po kërkojnë që ky konkurs, të cilin po e quajnë “konkurs i fushatës”, të anulohet në tërësi. Madje dy prej tyre po protestojnë sot para adminsitratës së SHSKUK-së.
“Motoja e protestës sot është që të anulohet konkursi i fushatës sepse ky ka qenë konkurs i fushatës për t’i sistemuar familjarët e personave që janë në pozita politike. Poashtu ua bëjmë me dije se MSH ka paguar që ne të kryejmë specializime në QKUK dhe sot kemi mbetur pa punë dhe po mbesim rrugëve”, ka deklaruar Visar Sadiku në T7.
Do të protestojmë vetëm nga dy në mënyrë që t’ua zgjojmë ndërgjegjen të pandërgjegjshmëve dhe duhet ta dijnë se nuk do të dorëzohemi me kaq”, ka deklaruar Sadiku. /Gazeta Shneta/