Psillium Hysk po fiton popullaritet si një temë e nxehtë në bisedat mbi humbjen e peshës, duke u konsideruar edhe si “Ozempicu i i ri”.
Ilaçet GLP-1 si Ozempic dhe Mounjaro kanë tërhequr vëmendje të madhe, me një në tetë të rritur që i kanë provuar, por nuk janë opsion për të gjithë. Arsye për këtë përfshijnë çmimet e larta, mungesën e produkteve, efektet anësore dhe kufizimet për t’u kualifikuar për recetë, shkruan Best Life Health transmeton Gazeta Shneta.
Në këtë kontekst, psilliumi, një burim fibrash të tretshme, po shihet si një alternativë më e thjeshtë dhe e përballueshme.
Dr. Pamela Peeke, nga Bordi Këshillimor i Shkencës Solaray, shpjegon se studimet tregojnë se psillium hysk mund të ndihmojë në humbjen e peshës dhe kontrollin e yndyrës së barkut si pjesë e një diete të shëndetshme.
Fibrat e tretshme krijojnë ndjesinë e ngopjes duke ngadalësuar kalimin e ushqimit në stomak dhe duke absorbuar ujë, çka ndihmon në uljen e oreksit.
Megjithatë, Peeke thekson se psillium dhe Ozempic funksionojnë në mënyra të ndryshme.
Ndërsa Ozempic vepron në qendrat e oreksit në tru për të reduktuar dëshirën për ushqim, psilliumi vepron në traktin gastrointestinal për të rritur ndjesinë e ngopjes.
Ekspertët këshillojnë që psillium duhet trajtuar si një mjet ndihmës, jo si zgjidhja kryesore.
Humbja efektive e peshës kërkon një dietë të ekuilibruar, aktivitet fizik të rregullt dhe zakone të shëndetshme jetese, duke e bërë psilliumin një pjesë të rëndësishme, por jo të vetme, të strategjisë për mirëqenie. /Gazeta Shneta/