Pulmologu Besim Morina mori pjesë në organizimin vjetor të Komitetit të Kontrollit të Duhanit të Shoqatës Respiratore Europiane, i cili u zhvillua nga 22 deri më 24 Tetor në Athinë.
Dr. Morina përfaqësoi vendin tonë në organizimin vjetor të Komitetit të Kontrollit të Duhanit të Shoqatës Respiratore Europiane, si i ftuar nga Kryetari Filippos Filippidis, përcjell Gazeta Shneta.
Ky organizim, që bashkon ekspertë dhe profesionistë nga e gjithë Europa, është një mundësi e shkëlqyer për të diskutuar sfidat dhe avancimet në fushën e kontrollit të duhanit dhe shëndetit respirator.
Morina theksoi rëndësinë e këtij evenimenti, duke e cilësuar si një platformë të rëndësishme për shkëmbimin e ideve dhe praktikave më të mira në luftën kundër përdorimit të duhanit dhe përmirësimin e shëndetit të popullatës.
Në përfundim të ngjarjes, ai shprehu kënaqësinë e veçantë që kishte për të qenë pjesë e familjes së madhe të pulmologjisë europiane dhe angazhimin e tij për të vazhduar punën e tij në këtë fushë, me shpresën se përpjekjet e përbashkëta do të sjellin rezultate pozitive në ruajtjen dhe përmirësimin e shëndetit respirator në rajonin tonë./Gazeta Shneta/