Punët që nuk kërkojnë aq shumë angazhim mendor sa llojet e tjera të punës lidhen me shkallë më të lartë të dëmtimit njohës pas moshës 70-vjeçare, zbulon një studim i ri.
Gjetjet e këtij studimi vëzhgues nuk nënkuptojnë domosdoshmërisht se punë të tilla shkaktojnë probleme të mëvonshme njohëse, shkruan burimi Medical News Today përcjell Gazeta Shneta.
Për njerëzit me profesione që nuk kërkojnë një shkallë të lartë angazhimi mendor, ka mënyra të tjera për të forcuar rezervën njohëse.
A ndikon lloji i punës që bëni gjatë gjithë jetës suaj në shanset tuaja për të zhvilluar demencë më vonë? Kjo pyetje ishte qendrore për një studim të ri intrigues.
Sipas gjetjeve të studimit, njerëzit që kanë më shumë punë rutinë ose të përsëritura – punë që mund të kryhen pa një shkallë të lartë angazhimi mendor – kanë 66% më shumë gjasa të zhvillojnë dëmtime njohëse pas moshës 70 vjeçare.
Nga ana tjetër, studiuesit thonë se njerëzit, punët e të cilëve janë stimuluese kognitive në të 30-at, 40-at, 50-at dhe 60-at e tyre mund të kenë një rrezik të reduktuar të dëmtimit kognitiv më vonë.
“Studimi ynë është në përputhje me provat nga disa studime të grupeve evropiane që tregojnë se kërkesat e ulëta njohëse profesionale lidhen me një rrezik më të lartë dhe më të hershëm të dëmtimit njohës,” tha autori i parë Dr. Trine Holt Edwin, për Medical News Today.
Studimi u botua së fundmi në “Neurology”, revista mjekësore e Akademisë Amerikane të Neurologjisë. /Gazeta Shneta/