Më 4 mars ka filluar punëtoria 5 ditore e organizuar nga MSh, Inspektorati Shëndetësor, përkrahur nga programi i asistencës teknike të TAIEX në Kosovë, me qëllim të vlerësimit të situatës me substanca me origjinë njerëzore (inde, qeliza, ivf, gjak) në Kosovë, në përkrahje të Inspektoratit Shëndetësor për kryerje të inspektimeve në këto fusha.
Punëtoria u hap nga Sekretari i Përgjithshëm i Ministrisë së Shëndetësisë, Dr. Naim Bardiqi, i cili theksoi rëndësinë e kësaj punëtorie për avancimin e Inspektoratit Shëndetësor dhe organeve vartëse të Ministrisë së Shëndetësisë në këtë fushë.
Prezantuan:
– Dr. Ardita Baraku, Kryeinspektore Shëndetësore, për punën e Inspektoratit Shëndetësor në vitin 2018,
– Dr. Ajla Zymber Cesko, Inspektor Shëndetësor, për inspektimet e mëhershme për fertilizim të asistuar mjekësor,
– Dr. Myrvete Paçarada, Kryetare e Komisionit për Fertilizim të Asistuar Mjekësor, për punën e këtij komisioni,
– Dr. Bukurie Zhubi, Drejtoreshë e Qendrës Kombëtare të Transfuzionit të Gjakut, për punën e kësaj qendre,
– Afërdita Hoxha, u.d. Drejtoreshë e Departamentit Ligjor në MSh, për bazën ligjore në këtë fushë,
– Mentor Sadiku, Drejtor i Departamentit për Integrime Evropiane në MSh, për asistencën e mëhershme të TAIEX.
Ekspertët e TAIEX-it, Dr. Vanja Nikolac dhe Dr. Mirela Busic, të cilët vijnë nga Kroacia, prezantuan bazën ligjore në BE në këtë fushë, si dhe organizimin e organeve kompetente për inspektim dhe monitorim në këtë fushë në Kroaci.
