Patologu Nazim Qehaja ka bërë thirrje që të mos blihen ilaçet private që reklamohen në televizionet kosovare.
“Përdorimi i çfardo terapie pa diagnozë të mirëfilltë kliniko-patologjike, është shumë e rrezikshme”, ka shkruar Qehaja në profilin e tij në Facebook.
Ai këtë koment e ka bërë pasi ka parë në disa televizione të reklamohet ilaçi Prostamol për sëmurjet e prostatës.
“Zmadhimi i Prostatës ka shkaqe të ndryshme, nga të cilat, Karcinoma është njëra nga sëmurjet më agresive dhe më vdekjeprurëse në organizmin e njeriut, andaj, përdorimi i çfardo terapie pa diagnozë të mirëfilltë kliniko-patologjike, është shumë e rrezikshme”.
“Mos gaboni, mos bleni ilaçe private me çmime enorme. Të gjitha reklamimet kanë të vetmin qëllim, përfitimin ekonomik, duke i maskuar sëmurjet me pasoja të rrezikshme për jetën dhe me shpenzime enorme”, ka shkruar Qehaja./GazetaShneta/