Qeset e çajit mund të çlirojnë miliarda grimca mikroplastike kur përgaditen, sipas një studimi të fundit.
Studimi i ri gjithashtu zbuloi se qelizat humane thithin grimcat plastike, duke sugjeruar se mikroplastikat mund të mbeten në trup pas konsumimit të çajit, shkruan burimi Health përcjell Gazeta Shneta.
Për të reduktuar ekspozimin ndaj plastikës pa hequr dorë nga çaji, ekspertët rekomandojnë përdorimin e çajit me gjethe të lira me një infuzor prej çeliku inox ose filtër të ripërdorshëm.
Një studim i botuar nëntor 2024 në “Chemosphere”, analizoi tre marka të ndryshme qesesh çaji për ekspozimin ndaj mikroplastikës. Mikroplastika janë grimca plastike të degraduara që nuk shpërbehen dhe dyshohet se ndikojnë në shëndetin e njeriut.
Ekipi zbuloi se përgatitja e çajit në qese plastike të bëra nga polipropileni, një material i zakonshëm për qeset e çajit, çlironte mbi një miliard grimca për mililitër çaj. Qeset e çajit prej celuloze dhe ato prej najloni të rrjetëzuar lëshonin miliona grimca plastike për mililitër.
Pas nxjerrjes së plastikës nga çaji i përzier, studiuesit i ekspozuan ato ndaj qelizave intestinale njerëzore. Qelizat i thithën grimcat plastike, duke treguar se mikroplastikat mund të mbeten në trup pas konsumimit të çajit.
Autorja e studimit, Alba García-Rodríguez, PhD, nga Universiteti Autonom i Barcelonës, theksoi se ky studim tregon një rrugë të konsiderueshme ekspozimi ndaj plastikës në jetën tonë të përditshme. “Duhet të shqetësohemi për sasitë e mëdha të plastikës njëpërdorimshe që njerëzit i hasin çdo ditë,” tha ajo. /Gazeta Shneta/