Qendra Klinike Universitare e Kosovës ka dal me një sqarim për liftin e “shefave dhe drejtorëve” në bllokun kirurgjik.
QKUK ka thënë se nuk ka asnjë vendim zyrtar nga asnjë përfaqësues i njësive në këtë institucion, transmeton Gazeta Shneta.
“Në asnjë ashensor nuk ka letër-njoftim të zyrtarizuar, nëshkruar, apo vulosur nga ndonjë drejtor klinike, shef, apo nga organet tjera komptetente në QKUK”, thuhet në sqarimin e QKUK-së.
Sqarimi i plotë nga QKUK:
Qendra Klinike Univerisitare e Kosovës, në lidhje me fotografitë dhe informatat që po qarkullojnë në medie, se një ashensor i Klinikës së Kirurgjisë në QKUK, përdoret vetëm për shefa dhe drejtorë, sqaron se kjo nuk qëndron dhe nuk paraqet të vërtetën.
Në asnjë ashensor nuk ka letër-njoftim të zyrtarizuar, nënshkruar, apo vulosur nga ndonjë drejtor klinike, shef, apo nga organet tjera komptetente në QKUK.
Dikush qëllimishëm ka vendosur një shkrim dore, kinse ashensori përdoret vetëm për shefa dhe drejtorë, por ky nuk është qëndrim i QKUK-së, meqë të gjithë ashensorët janë në shërbim të pacientëve.
Për hir të korrektësisë, sqarojmë se disa nga ashensorët përdoren vetëm me çip për të pasur më të lehtë bartjen e pacientëve që janë të shtrirë në klinikat e QKUK-së, nga stafi i autorizuar shëndetësor i klinikave përkatëse.