Një ngjarje e rrallë mjekësore, e cila ndodh në rreth 1 në 15 milionë shtatzëni, është regjistruar në Australi.
Një 34-vjeçare ka sjellë në jetë katërnjak identik pasi një vezë e vetme e fekonduar u nda në katër embrione të veçanta, shkruajnë mediat ndërkombëtare, transmeton Gazeta Shneta.
Foshnjat u lindën përmes prerjes cezariane në javën e 28-të të shtatzënisë në Spitalin Mbretëror të Brisbane. Rastet e tilla, të konceptuara në mënyrë natyrale me katërnjak monozigote, konsiderohen fenomene jashtëzakonisht të rralla në mjekësinë riprodhuese.
Mjekja që mbikëqyri kujdesin e nënës theksoi se një rast i tillë është thuajse i padëgjuar.
Kompleksiteti i kësaj shtatzënie qëndronte në faktin se të katër fetuset ndanin një placentë të vetme. Kjo gjendje mbarte rrezikshmëri të lartë, pasi çdo disbalancë në furnizimin me gjak mund të rrezikonte zhvillimin dhe jetën e foshnjave.
Për shkak të rrezikut klinik, pacientja u shtrua për monitorim të ngushtë në javën e 25-të, me synimin për të arritur javën e 28-të.
Aktualisht foshnjat po marrin trajtim të specializuar në njësinë e terapisë intensive neonatale dhe gjendja e tyre paraqitet e qëndrueshme. /Gazeta Shneta/
