Një grua nga Oklahoma, bën thirrje tek të tjerët që të mos mbështeten vetëm në rezultatet negative të testit mes pandemisë së koronavirusit.
Pavarësisht shfaqjes së simptomave, ajo mori katër teste negative dhe vetëm njëri prej tyre u kthye në vlerën pozitive për virusin më vonë gjatë periudhës dy javore me Covid, shkruan Fox19 përcjell Gazeta Shneta.
Lesley Shollmier po paralajmëron të tjerët në lidhje me testimin e mundshëm të pasaktë dhe duke i nxitur ata të qëndrojnë në shtëpi për karantinë, edhe nëse marrin një rezultat negativ të testit.
“Mos i besoni një testi negativ Covid. Nëse keni simptoma, veçanërisht atë humbjes së shijes dhe nuhatjes, duhet të qëndroni në shtëpi” tha ajo.
Në ditën e 12-të të simptomave, testi i katërt i Shollmier u kthye pozitiv. Ajo hyri në internet për të ndarë përvojën e saj dhe për të paralajmëruar njerëzit që të mos mbështeten shumë në një test të vetëm.
Shollmier inkurajon të gjithë të mbajnë një maskë për të mbrojtur njerëzit e tjerë dhe të qëndrojnë në shtëpi nëse përjetojnë ndonjë simptomë. /Gazeta Shneta/