Instituti Kombëtar ka njoftuar se nga 464 mostra të marra nga ShSKUK-ja janë konfirmuar 61 raste pozitive.
Në 24 orët e fundit janë raportuar dy viktima si pasojë e covid-19 (1 rast nga spitali rajonal i Gjilanit dhe 1 rast nga Mjekimi Intensiv Qendror-COVID), kurse 119 pacientë janë shëruar shkruan GazetaShneta.
“Numri total i rasteve pozitive është 15.063 raste nga 62.011 persona të dyshimtë në virusin SARS-CoV-2 dhe 613 raste të vdekjes.
Gjatë 24 orëve të fundit, janë shëruar 119 pacientë derisa numri i përgjithshëm i të shëruarve deri më sot është gjithsej 12.570 raste, kurse numri i rasteve aktive është 1.880.”, thuhet në njoftim.
Nga 61 raste të reja sot, këto janë komunat me raste pozitive. komuna Prishtinë 19 raste, komuna Vushtrri 8 raste, komuna Prizren 7 raste, komuna Fushë Kosovë 5 raste, komuna Gjilan 4 raste, komuna Pejë 4 raste, komuna Ferizaj 3 raste, komuna Istog 3 raste, komuna Deçan 2 raste, dhe me nga një rast komunat Drenas, Malishevë, Obiliq, Podujevë Skenderaj dhe Suharekë./GazetaShneta/