Gazeta Shneta ka siguruar listën e kandidatëve në konkursin për drejtor në katër spitalet rajonale në vend. Në shumicën prej tyre të parët në testin me shkrim janë drejtorët paraprak që kanë qenë në këto spitale, në përjashtim të spitalit rajonal të Pejës. Në këtë spital drejtori, Skender Dreshaj, nuk ka shpreh interesim për të kandiduar shkruan Gazeta Shneta.
Në spitalin e Gjilanit, me 32 pikë është vlerësuar testi i plotësuar nga Arsim Emini. Ai është aktualisht në menaxhimin e spitalit si ushtrues detyre, kështu duke lënë mbrapa ish-kandidaten për asambliste nga LVV, Mirvete Kurteshin me 23 pikë, Besim Maliqin me 23,5, Halil Ajvazin me 20 pikë, Gëzim Shala me 16,5 të tillë dhe Milaim Kasumin me 15 pikë.
Edhe në spitalin e qytetit të Mitrovicës së Jugut pikët maksimale nga kundërkandidatët mori ud. drejtoresha aktuale, Luljeta Zhubi.
Ajo mori 25,5 pikë në testin me shkrim dhe la mbarap Sanije Sekiraqën me 24 pikë, Leonard Mujën me 21,5 pikë ndërsa Vjollca Selmani dhe Sadri Pllana kanë munguar në testin me shkrim.
26,5 pikë mori Shefkije Shatri, drejtoresha momentale në Spitalin Rajonal të Vushtrrisë, përderisa dy kundërkandidatët Blerim Feka dhe Halil Dervinja kanë munguar.
Në spitalin e Pejës, Fazli Shala është kandidati me më tepër pikë nga dy kundërkandidatët e tij. Shala mori 24 pikë ndërsa Shkelzen Elezaj 21,5 pikë si dhe Besnik Ibraj 19 pikë.
Të gjitha kandidatët nesër, 17.03.2022, do t’i nënshtrohen intervistimit. / Gazeta Shneta/