Administrata e presidentit Donald Trump ka zgjeruar rregullat për viza, duke lejuar konsullatat amerikane të marrin në konsideratë mbipeshën dhe gjendjet e tjera shëndetësore si faktorë për refuzimin e aplikantëve.
Udhëzimi i ri kërkon që oficerët e vizave të vlerësojnë nëse aplikantët mund të bëhen “ngarkesë publike” për SHBA-në, në rast se vuajnë nga obeziteti, diabeti apo sëmundje të tjera kronike, shkruan Newsweek, transmeton Gazeta Shneta.
Kritikët e kanë cilësuar politikën si diskriminuese ndaj personave me probleme shëndetësore ose me të ardhura të ulëta, ndërsa mbështetësit thonë se ajo synon të mbrojë taksapaguesit amerikanë nga kostot e larta shëndetësore.
Ky vendim ka ngjallur reagime të shumta në opinionin publik dhe pritet të ndikojë në mënyrën se si jepen vizat për emigrantët në SHBA. /Gazeta Shneta/