Kanë kaluar tashmë pesë muaj që kur Lucy Gahan ishtë infektuar me covid-19 dhe jeta e saj ende nuk është kthyer si më parë.
Sëmundja që i shkaktoi asaj “stuhi”, vazhdon ta shoqëroj ende, ndonëse ka rezultar negative ndaj covid-19 shkruan CNN, transmeton GazetaShneta.
Vështirësi në frymëmarrje, mpirja e duarve dhe këmbëve janë disa nga simptomat që vazhdojnë të jenë pjesë e jetës së saj.
Mësoni më shumë rreth komplikimeve gjatë shtatzënisë KËTU
Ajo e krahasonte rutinën e saj para muajit prill me të tashmen.Gahan, e cila është nënë e tre fëmijëve vraponte tre herë në javë dhe kishte një orar të caktuar të jogës.
“Unë mund të ec vetëm deri tek një kënd”, tha ajo. “Për sa i përket vrapimit, nuk mund ta imagjinoj kur do të ndodhë kjo përsëri.”
Në këtë rast, Gahan nuk është pacientja e vetme që po shoqërohet me simptomat e covid-19 ndonëse ka rezultuar negative.
Studiuesit nga The Academic Respiratory Unit of the North Bristol NHS në Mbretërinë e Bashkuar, vëzhguan 110 pacientë me covid-19.
12 javë pasi pacientët u liruan nga spitali, 74% e tyre raportuan simptoma duke përfshirë vështirësi në frymëmarrje dhe lodhje.
Në anën tjetër, 10% e pacientëve treguan funksion të kufizuar të mushkërive përmes testeve të spirometrisë.
Revista Mjekësore Britaneze ka lëshuar udhëzime të reja për ofruesit shëndetësor ku vlerësuan se deri në 10% e njerëzve mund të zhvillojnë një sëmundje të zgjatur.
Udhëzimi përfshin teste specifike të gjakut për të kryer, duke i’u referuar pacientëve përdorimin e oksimetritë të pulsit në shtëpi për të matur sasinë e oksigjenit në gjak./GazetaShneta/