Shkencëtarët kanë thënë se rreziku i mpiksjes së gjakut ose goditjes në tru nga vaksinat COVID është shumë herë më i ulët sesa nëse një individ të infektohet me Sars-CoV-2, para ose pas vaksinimit.
Më parë, shkencëtarët kishin gjetur një rrezik në rritje të trombocitopenisë, ose një numrit të ulët të trombociteve, tek individët e vaksinuar me AstraZeneca, shkruan Medical News Today.
Nëse numri i trombociteve të një individi është i ulët, gjaku i tyre nuk do të mpikset (trashet) mirë, gjë që mund të shkaktojë gjakderdhje të tepërt ose plagë që nuk shërohen siç duhet përcjell Gazeta Shneta.
Gjetjet e reja, të cilat shfaqen në revistën The BMJ, sugjerojnë se personat të vaksinuar me AstraZeneca ose Pfizer kanë një rrezik në rritje për të përjetuar disa ngjarje të lidhura me çrregullimet e gjakut ose enët e gjakut pas dozave të para, por vetëm brenda 28 ditëve në vijim. Krahasimisht, ky rrezik është shumë më i lartë dhe zgjat më shumë nëse një person ka kontraktuar virusin SARS-CoV-2.
Studimi analizoi mbi 29 milionë njerëz me vaksinim të pjesshëm kundër COVID-19 dhe gati 2 milionë individë që kishin sëmundjen.
Për çdo 10 milionë njerëz të vaksinuar me AstraZeneca, shkencëtarët zbuluan se ata me COVID-19 kanë pothuajse nëntë herë më shumë gjasa të përjetojnë trombocitopeni sesa ata që morën një dozë vaksine.
Rreziku i mpiksjes së gjakut në venat ishte gjithashtu 200 herë më i ulët se rreziku pas infeksionit SARS-CoV-2 në të njëjtin grup.
Ekipi i udhëhequr nga Universiteti i Oksfordit – tha se ky studim ishte më i madhi i këtij lloji, duke theksuar dhe njëherazi përfitimin “thelbësor” të vaksinimit. /Gazeta Shneta/