Një studim i ri ka zbuluar se numri i fëmijëve dhe të rinjve që janë pranuar në njësitë e mjekësisë akute të spitaleve në Angli për shqetësime mendorë është rritur me 65% ndërmjet viteve 2012 dhe 2022.
Studimi i publikuar në revistën “The Lancet Child and Adolescent Health”, analizoi të dhënat për të gjitha pranimet e fëmijëve nga mosha 5 deri në 18 vjeç në njësitë mjekësore të Anglisë nga 1 prilli 2012 deri më 31 mars 2022, shkruan burimi Medical Xpress përcjell Gazeta Shneta.
Hulumtuesit zbuluan se gjatë periudhës dhjetëvjeçare, pranimet për shqetësime shëndetësore mendore u rritën nga 24,198 në 39,925 (rritje prej 65%), krahasuar me një rritje prej vetëm 10.1% për pranime të të gjitha llojeve të sëmundjeve, që u rritën nga 311,067 në 342,511.
Rritjet më të mëdha të pranimeve ishin tek vajzat nga mosha 11-15 vjeç, nga 9,091 në 19,349 (rritje prej 112.8%), dhe për çrregullimet e të ngrënit, nga 478 në 2,938 (rritje prej 514.6%).
Ky studim është i pari që analizon tendencat kombëtare për pranimin e fëmijëve dhe të rinjve për çështje të shëndetit mendor në njësitë mjekësore akute.
Hulumtuesit nuk mundën të përcaktojnë arsyet pas rritjes dramatike të rasteve në studimin e tyre.
“Gjetjet tona gjithashtu tregojnë se këto rritje nuk janë vetëm pasojë e pandemisë COVID-19, pasi ka pasur rritje të numrit të pranimeve çdo vit që nga viti 2012.” /Gazeta Shneta/