Të paktën 22 pacientë kanë vdekur në një spital në Indinë perëndimore pas një rrjedhje në furnizimin e tyre me oksigjen, tha Ministri i Shëndetësisë së Indisë.
Incidenti në qytetin e Nashik, një nga zonat më të goditura në Indi, ndodhi pasi rezervuari i gazit kishte rrjedhur nga jashtë, tha Ministri Rajesh Tope shkruan The Guardian përcjell Gazeta Shneta.
“Pacientët që ishin në ventilator në spitalin në Nashik kanë vdekur,” tha Ministri Tope në rrjetet televizive.
“Rrjedhja u vërejt në rezervuarin që furnizonte me oksigjen këta pacientë. Furnizimi i ndërprerë mund të lidhet me vdekjet e pacientëve në spital”.
Spitalet në Delhi, thanë se u kishte mbetur oksigjen i mjaftueshëm për vetëm tetë deri në 24 orë, ndërsa disa institucione private kishin vetëm për katër ose pesë orë.
Situata ishte aq e rëndë sa që disa njerëz ishin përpjekur të plaçkitnin një cisternë oksigjeni, duke i detyruar autoritetet të rrisnin sigurinë, tha Ministri i Shëndetësisë. /Gazeta Shneta/