Bakteret e liruara nga qumështi dhe thimthat e gjirit të nënës, janë çelësi për të mbrojtur shëndetin e bebes, sipas një studimi të fundit.
Shkencëtarët kanë ekzaminuar benefitet e qumështit të gjirit në krahasim me atë artificial, shkruan DailyMail, transmeton Gazeta Shneta.
Studimi i publikuar sot, shfaq rezultate befasuese për mikrobet që transferohen nga nëna te foshnja.
Gjatë muajit të parë, bebja merr më shumë se 25 për qind të baktereve nga qumështi i nënës dhe 10 për qind nga lëkura përreth thimthës së gjirit.
Këto baktere të transferuara te bebja, mund të jenë shumë të rëndësishme pasi studimi ka zbuluar se ulë rrezikun e zhvillimit të alergjive dhe astmës.
Doktori Grace Aldrovandi nga Departamenti i Pediatrisë në Universitetin e Kalifornisë, tha se studimi arriti në përfundim se qumështi i nënës transferon bekteret e shëndetshme te bebja të cilat kanë efekte afatgjata.
Studimi ka treguar poashtu se llojet e tjera të baktereve mund të luftojnë obezitetin, të nxisin metabolizmin dhe sistemin imunitar dhe madje mund të ndikojnë në performancën e trurit. /Gazeta Shneta/