Terapia qelizore përfaqëson një trajtim potencial rigjenerues për osteoartritin.
Një analizë e fundit e të gjitha studimeve përkatëse të publikuara tregon se transplantimi i qelizave burimore është efektive për trajtimin e osteoartritit të gjurit, sëmundjes kronike më të përhapur të kyçeve, shkruan Medical Xpress përcjell Gazeta Shneta.
Rishikimi dhe meta-analiza, e cila është botuar në “Journal of Orthopedic Research”, hulumtoi 16 studime që përfshinin 875 pacientë me osteoartrit të gjurit (441 në grupin e transplantimit të qelizave burimore dhe 434 në grupin e kontrollit).
Trajtimi i qelizave staminale u shoqërua me ulje të ndjeshme të dhimbjes së raportuar nga pacientët që nga muaji i tretë e tutje.
Lehtësimi më i rëndësishëm i dhimbjes në muaj të ndryshëm pas operacionit erdhi nga qelizat staminale me prejardhje nga yndyra dhe nga kordoni i kërthizës.
“Transplantimi i qelizave staminale u tregua i sigurt dhe efektiv për trajtimin e osteoartritit të gjurit”, shkruan autorët.
“Burime të ndryshme të qelizave staminale kanë një efekt të mirë në zbutjen e dhimbjeve të kyçeve të gjurit, rivendosjen e funksionit të kyçit të gjurit dhe minimizimin e traumës së pacientit”. /Gazeta Shneta/