Është ky drejtori i Përgjithshëm i Shërbimit Spitalor Dr. Basri Sejdiu, i cili ka takuar drejtorët e klinikave, instituteve si dhe shërbimeve të tjera në QKUK.
Ky takim filloi me një minutë heshtje për nderim të punës dhe veprimtarisë së atdhetarit të shquar, Adem Demaçit, ndërkohë Sejdiu nga drejtorët ka kërkuar që të ngrisin nivelin e disiplinës, respektim të orarit të punës dhe disa qështje të tjera, shkruan Gazeta Shneta.
Ai poashtu ju ka treguar drejtorëve se pjesa e administratës QKUK-SHSKUK tanimë ka kaluar në një objekt të ri, përderisa janë të gatshme hapësirat për vendosjen e ambulancave specialistike kirurgjike, internisitke dhe ortopedisë e fiziatrisë, me pajisje të reja dhe moderne.
Më tej Sejdiu ka folur edhe për projektin e rinovimit të emergjencës së vjetër në QKUK, e që ky projekt është në përfundim e sipër, derisa përmes tij do të bëhet e mundur vendi ku presin pacientët si dhe recepsioni për regjistrim dhe informacione shtesë.
Përderisa, për krejt klinikat janë në procedurë mbi 2 milion euro për furnizim me paisje mjekësore, ku procedurat janë kryer dhe pritet ardhja e atyre paisjeve.
Ndërkohë siç njofon më tej SHSKUK: Gjatë takimit u bisedua në lidhje me projektin për transformimin farmaceutik në QKUK.
Drejtori Sejdiu, njoftoi drejtorët se pas investimeve që do të bëhen së shpejti do të hapet barnatorja e Klinikës së Anestezionit dhe Emergjencës, përderisa do të ketë barnatore dhe farmacistë në të gjitha klinikat e QKUK-së, në mënyrë që të ketë kontroll, monitorim dhe shpërndarje sa më të mirë të barnave dhe materialit shpenzues në klinikat e QKUK-së.
U bisedua edhe për çështje të tjera që ndërlidhen me mbarëvajtjen e punës në klinikat e QKUK-së./Gazeta Shneta/