Kryetari i Odës së Mjekëve të Kosovës, Dr. Pleurat Sejdiu, ka deklaruar se një mjek i huaj në njërën nga klinikat private ishte licencuar nga Ministria e Shëndetësisë pa qenë fare anëtar i OMK-së siç e parasheh Ligji për Shëndetësi.
“Secili mjek i huaj nuk mund të licencohet pa qenë anëtar i Odës së Mjekëve të Kosovës dhe kjo është shkelja e dyfishtë që është bërë nga Ministria e Shëndetësisë sepse e ka licencuar mjekun e huaj në njërën nga klinikat private pa qenë fare anëtar i OMK-së”, ka deklaruar Sejdiu.
Sejdiu ka theksuar në RTV Dukagjini se ky mjek i huaj nuk e ka pasur të barasvlerësuar as diplomën e tij.
Ai ka tërhequr vërejtjen për hutinë që është krijuar në lidhje me bastisjet e fundit të Policisë së Kosovës. /Gazeta Shneta/
