Një sëmundje potencialisht vdekjeprurëse, e njohur si Chagas, po rezulton të jetë më e përhapur në Shtetet e Bashkuara sesa ishte vlerësuar më herët, paralajmërojnë ekspertët.
Chagas përhapet nga insektet gjakthithëse të quajtura “kissing bugs” dhe mund të shkaktojë dëmtime serioze në zemër te njerëzit dhe madje edhe te qentë, shkruan Euronews transmeton Gazeta Shneta.
Fillimisht, sëmundja shpesh kalon pa simptoma të dukshme, ndaj është quajtur edhe një “infeksion i heshtur”.
Megjithëse në fazën akute mund të shfaqet me ënjtje në gjymtyrë ose sy dhe raste të rënda alergjie, pasojat më të rrezikshme lidhen me komplikimet afatgjata, përfshirë sulmet në zemër dhe goditjet në tru.
Sipas Organizatës Botërore të Shëndetësisë, Chagas shkakton rreth 10 mijë vdekje çdo vit dhe rrezikon deri në 75 milionë persona në mbarë botën./Gazeta Shneta/