Shtetet e Bashkuara të Amerikës kanë shpenzuar 290 milionë dollarë për barna kundër rrezatimit ndërsa Vladimir Putin rriti kërcënimet e tij bërthamore ndaj Perëndimit. Blerja u njoftua nga Departamenti i Shëndetësisë dhe Shërbimeve Njerëzore të SHBA (HSS).
Grupi Nplate mund të përdoret për të trajtuar simptomat e sindromës akute të rrezatimit (ARS) që ndodh pasi një person ekspozohet ndaj një doze të lartë rrezatimi për shembull pas një aksidenti bërthamor apo edhe një sulmi bërthamor, shkruan Express.co.uk përcjell Gazeta Shneta.
Qeveria i bleu barnat nga kompania farmaceutike me bazë në Kaliforni, Amgen.
Blerja vjen pas një fjalimi muajin e kaluar, në të cilin presidenti rus Vladimir Putin u zotua të mbrojë Rusinë dhe popullin e saj me “të gjitha mjetet në dispozicionin tonë”. Ai shtoi se kërcënimi “nuk ishte një bllof”.
Megjithatë, Departamenti i Shëndetësisë dhe Shërbimeve Njerëzore në SHBA ka mohuar se blerja ishte e lidhur me kërcënimin bërthamor dhe pretendoi në vend të kësaj se ishte pjesë e punës “në vazhdimësi” në lidhje me sigurinë radiologjike.
Një zëdhënës i departamentit tha për burimin The Telegraph se: “Kjo është pjesë e punës sonë të vazhdueshme për gatishmërinë dhe sigurinë radiologjike. Ajo nuk është përshpejtuar nga situata në Ukrainë.”
Presidenti amerikan Joe Biden, ka deklaruar se “Putini nuk bën shaka” në lidhje me përdorimin e armëve shkatërruese në masë dhe paralajmëroi se bota ishte më afër një “Armagedoni” bërthamor që nga kriza e raketave Kubane në vitet 1960. /Gazeta Shneta/