Faqet e internetit që publikojnë përmbajtje rreth shëndit të grave dhe vajzave tërë kohën predikojnë këshilla prej më të ndryshmeve sa i përket shëndetit të organit gjenital.
Shumë gra më shumë preferojnë që të bëjnë depilime, qoftë vetë qoftë tek profesionistët sepse kështu ndihen me rehat me veten e tyre, transmeton GazetaShneta.
Por sipas një studimi të bërë qysh në vitin 2016 është përfunduar që depilimi i vaginës është një hap i gabuar.
Studimi tregon se gjenitalet e femrës qëndrojnë më të mbrojtura nëse janë të mbuluara me qimet pubike përreth. Në këtë mënyrë vagina do të jetë më e mbrojtur nga infeksionet, nga lëndimi prej gjinseve të ngushta etj, përcjellë “Health”.
“Përgjigja më e shkurtë është që të qëndroni sa më natyrale atje poshtë. Qimet pubike ju ndihmojnë që ta mbani atë zonë aq sensitive sa më të mbrojtur nga dëmtimet”, ka thënë Donnica Moore, gjinekologe në Sapphire Women’s Health Group.
Ndërsa në anën tjetër, depilimi i plotë i organit lidhet me shumë sëmundje dhe infektime tjera, e po ashtu edhe me sëmundjet e transmetueshme seksualisht.
Nëse jeni prej atyre grave ose vajzave që preferoni të qëndroni sa më natyrale atëherë ju mund të përkujdeseni që t’I preni qimet me gërshërë të vogla të cilat do i përdorni vetëm për këtë shkak. Bëni mirë që po ashtu të pastroheni paraprakisht me ujë të vakët në mënyrë që rrënjët e qimet të hapen e të bëhen më elastike. Ose sigurohuni që ta ndërroni briskun sa herë që depiloheni në mënyrë që të mbroheni nga infeksionet dhe puçrrat. /GazetaShneta/