Spitali Amerikan ka siguruar të gjithë qytetarët që kanë nevojë për shërbime mjekësore se mund të marrin trajtim të sigurtë dhe pa rrezik të infektimit nga Covid-19
Në vijim të disa informacioneve të përhapura nëpër media, Spitali Amerikan në Kosovë deklaron se ka marrë të gjitha masat që prej fillimit të pandemisë, për të siguruar një ambient mjekësor të sigurtë për çdo pacient që kërkon trajtim mjekësor në këtë institucion.
Kur e gjithë popullata ndodhet nën kërcënimin e prekjes nga virusi COVID-19, ky institucion ka garantuar dhe garanton në çdo orë dhe çdo moment trajtim të sigurtë dhe pa rrezik infektimi për këdo që kërkon shërbimet tona.
Të gjithë mjekët dhe stafi mbështetës janë trajnuar dhe jane të pajisur me të gjitha veshjet mbrojtëse, doreza, kapele, kalaçe, maska, syze, dhe dezifektantët dhe në mënyrë të rregullt bëhet dezifektimi i ambienteve të brendëshme të këtij institucioni në bazë të të gjitha rekomandimeve të Ministrisë së Shëndetësisë së Republikës së Kosovës dhe të OBSH.
Ne jemi të dedikuar dhe me vullnet të plotë tu përgjigjemi gjithë kërkesave mjekësore, sidomos të urgjencave në përpjekje për ti shërbyer shëndetit të popullates. Ne jemi rreshtuar përkrah institucioneve shtetërore në vend që po bëjnë një punë të mrekullueshme për të siguruar shëndetin dhe jetën e qytetareve dhe së bashku me këto institucione meritojme përkrahje dhe mbështetje, pasi misioni ynë i përbashkët është jeta e qytetarëve të ketij vendi.
#spitaliamerikan #perqafojejeten