Një studim i ri i një grupi shkencëtarësh japonezë sugjeron se njerëzit e thinjur mund të kenë një mbrojtje natyrale kundër melanomës, një tumor i lëkurës.
Thinjat lindin për shkak të dëmtimit të qelizave staminale, të cilat vendosin të autoeliminohen në vend që të shumohen, duke reduktuar kështu mundësinë për zhvillimin e kancerit. Kërkimi u realizua në laborator te kaviet në Universitetin e Tokyos dhe rezultatet u publikuan në revistën shkencore Nature Cell Biology, transmeton Gazeta Shneta.
Autorët sqarojnë se thinjat nuk janë një mbrojtje direkte kundër kancerit, por tregojnë një nga mekanizmat që qelizat staminale përdorin për të reaguar ndaj dëmtimit.
Qelizat në kokë prodhojnë pigment që i jep ngjyrë flokëve, dhe kur dëmtohen në nivel ADN-je, ato diferencohen dhe shkëputen në mënyrë të pakthyeshme, duke bërë që fijet e flokëve të ndryshojnë ngjyrën dhe të bëhen gri.
Rezultatet tregojnë se qelizat staminale mund të ndjekin rrugë të ndryshme vetëflijim ose zgjerim në varësi të stresit dhe sinjaleve të mikromjedisit. Ky mekanizëm tregon se procesi i thinjes dhe zhvillimi i melanomës janë të lidhura me njëra-tjetrën, si reagim ndaj stresit qelizor./ Gazeta Shneta/