Shkencëtarët në Shtetet e Bashkuara kanë krijuar vezë të fertilizueshme duke përdorur qeliza të lëkurës njerëzore, një hap drejt krijimit të vezëve dhe spermës laboratorike për personat infertilë ose çiftet e të njëjtit gjini.
Eksperimenti i udhëhequr nga Universiteti i Shëndetit dhe Shkencës së Oregonit (OHSU) tregoi se shumica e vezëve kishin kromozome të çrregullta, prandaj nuk mund të përdoren ende për konceptim, shkruan Euronews transmeton Gazeta Shneta.
Vetëm 9% e qelizave zhvilluan embrionin deri në stadin e blastocistit për gjashtë ditë në laborator.
Shkencëtarët theksojnë se kjo është vetëm një “provë koncepti” dhe mund të nevojiten vite kërkimesh për të prodhuar vezë të sigurta dhe normale.
Megjithatë, ky hap është i rëndësishëm për të kuptuar si të krijohen qeliza riprodhuese në laborator dhe mund të ndihmojë në trajtimin e infertilitetit në të ardhmen./Gazeta Shneta/