Shkencëtari Ugur Sahin, shef ekzekutiv i BioNTech, i cili ka njoftuar mbi rezultate premtuese të vaksinës së koronavirusit me kompaninë farmaceutike amerikane Pfizer, tha se nuk panë ndonjë efekt anësor serioz të vaksinës në fjalë.
Ai tha se “efektet anësore kryesore” të shikuara deri më tani ishin një dhimbje e butë deri e moderuar në vendin e injeksionit për disa ditë, ndërsa disa nga pjesëmarrësit kishin një ethe të lehtë deri të moderuar për një periudhë të ngjashme, shkruan The Guardian, përcjell Gazeta Shneta.
“Ne nuk pamë ndonjë efekt tjetër anësor serioz që do të rezultojë në ndalje të vaksinës ose ndalim të studimit”, tha ai për Andrew Marr Show të BBC-së.
“Tani kemi të dhëna të sigurisë për një pjesë të subjekteve për më shumë se dy muaj dhe ne po vazhdojmë të mbledhim të dhëna për më shumë se dy vjet, për të parë jo vetëm profilin e efektit anësor afatshkurtër dhe afatmesëm, por edhe atë afatgjatë”.
“Por deri tani, profili i sigurisë duket të jetë absolutisht dashamirës” shtoi ai. /Gazeta Shneta/