Në muajt e ftohtë, gripi paraqet një sfidë të madhe për shëndetin e fëmijëve, duke shkaktuar infeksione respiratore me simptoma të ndryshme dhe shpesh të rënda.
𝘿𝙧. 𝙂𝙚𝙣𝙩𝙞𝙖𝙣𝙖 𝙈𝙖𝙡𝙤𝙠𝙪-𝙎𝙝𝙤𝙨𝙝𝙞, pediatre në QKMF-Istog, ofron disa këshilla praktike për prindërit se si të kujdesen për fëmijët e prekur nga influenca, përcjell Gazeta Shneta.
Virusët e influences te fëmijët
Influenca ose gripi si infeksion viral shkakton një numër të madh të infeksioneve respiratore, me një morbiditet dhe mortalitet sinjifikant te fëmijët, të analizuar në baza vjetore.
Influenca është sëmundje e muajve të ftohtë të vitit dhe për hapet me anë të spërklave si teshtitjes dhe kollitjes
Këto viruse shkaktojnë infeksion të sistemit respirator që zakonisht fillon me:
•rrjedhje nga hunda
• temperaturë të menjëhershme
• kokëdhimbje
• lodhje
• dhimbje e fytit
• dhimbje veshi
• kollë e thatë
•mungesë disponimi
• mungesë oreksi
Këto simptoma mund të zgjasin 2 deri në 4 ditë, ndërsa kolla mund të prezistojë për një kohë më të gjatë.
Cfarë të bëjmë kur fëmija është me grip?
•Ushqejeni me shumë lëngje dhe vakte të vogla me shumë kalori
•Nëse ka temperaturë, visheni lehtë dhe mbani temperaturën e dhomës rreth 20.
•Për të lehtësuar dhimbjet apo temperaturën më të lartë se 38.5 përdorni paracetamol. Ibuprofeni nuk duhet përdorur te fëmijët me të vegjel se 6 muajsh.
•Përdorni dozën e rekomanduar nga mjeku jo më shpesh se 4 orë.
•Mos përdorni antigrip te fëmijët më të vegjël se 6 vjeç
Nëse fëmija juaj vuan nga sëmundje kronike që mund të dëmtojnë sistemin imunitar drejtohuni mjekut në dyshimin e parë që keni për gjendje gripale./ Gazeta Shneta/