Shërbimi Spitalor Klinik dhe Universitar i Kosovës (ShSKUK), ka përmbledhur ngjarjet që karakterizuan pandeminë me COVID-19 brenda tri viteve të fundit në vendin tonë.
“Pandemia e COVID-19, si sfida më e madhe shëndetësore në 100 vjetët e fundit, ka testuar qëndrueshmërinë e sistemeve shëndetësore kudo në botë. 3 vjet më parë, Shërbimin Spitalor dhe Klinik Universitar i Kosovës, ishte mobilizuar, duke vënë në gatishmëri gjithë stafin shëndetësor për t’u përballur me rastet e para të diagnostikuar me Covid-19” thuhet në komunikatën zyrtare të ShSKUK-së, përcjell Gazeta Shneta.
Mes tjerash, me 13 mars 2020, është pranuar rasti i parë për trajtim në Klinikën Infektive.
“Të ndodhur para një Pandemie të panjohur dhe duke vënë në rrezik edhe shëndetin e tyre, punëtorët e ShSKUK-së, mjekë, infermierë dhe staf mbështetës u aktivizuan për të ofruar kujdes dhe mbështje maksimale për pacientët e diagnostikuar”.
ShSKUK, betejën me menaxhimin e pandemisë COVID-19 e ka vlerësuar të suksesshme dhe kemi një raport të progesit që e mbështet këtë fakt:
“Menaxhimin e suksesshëm të Covid-19 nga ShSKUK, e vlerësoi lartë edhe raporti i progresit i Këshillit të Evropës, publikuar në vitin 2021. Në mes tjerash, në raport theksohej se autoritetet shëndetësore në Kosovë kanë arritur progres signifikant në përmirësimin e mbikëqyrjes, hulumimit, gjurmimit të rasteve dhe në menaxhimin e rasteveve me Covid-19” ka potencuar më tej ShSKUK.
Komunikata e plotë e ShSKUK-së:
Pandemia e COVID-19, si sfida më e madhe shëndetësore në 100 vjetët e fundit, ka testuar qëndrueshmërinë e sistemeve shëndetësore kudo në botë.
3 vjet më parë, Shërbimin Spitalor dhe Klinik Universitar i Kosovës, ishte mobilizuar, duke vënë në gatishmëri gjithë stafin shëndetësor për t’u përballur me rastet e para të diagnostikuar me Covid-19.
Me 13 Mars 2023, pranohet rasti i parë për trajtim në Klinikën Infektive, për të pasuar ditët vijuese me rritje graduale të rasteve.
Të ndodhur para një Pandemie të panjohur dhe duke vënë në rrezik edhe shëndetin e tyre, punëtorët e ShSKUK-së, mjekë, infermierë dhe staf mbështetës u aktivizuan për të ofruar kujdes dhe mbështje maksimale për pacientët e diagnostikuar.
Rastet sa vinin e shtoheshin, përderisa repartet e Klinikës Infektive nuk mjaftuan për të përballuar pacientët që kërkonin trajtim, andaj aktivizohet edhe Mjekim Intensiv për trajtim të rasteve me Covid-19.
ShSKUK aktivizoi po ashtu, 7 spitalet e përgjithshme të cilat funksionalizuan reparte për të trajtuar pacientë të diagnostikuar me Covid-19.
Rritja enorme e rasteve bëri që ShSKUK të rrisë numrin e shtretërve me hapësira të reja, fillimisht në Klinikën e Pulmologjisë, pastaj objektin e Mjekësisë Sportive, Klinikën Interne, por edhe në Klinikën e Pediatrisë, Gjinelologjisë, Neonatologjisë, të cilat aktivizuan reparte për trajtim të rasteve me Covid-19.
Rritja e numrit të infektuarve preku edhe stafin e mjekëve dhe infermierëve që ishin vija e parë e kontaktit me pacientë, e shumë nga ta sakrifikuan jetën, ku pas infektimit nuk arritën ta mundin virusin duke humbur jetën, por kjo për asnjë moment nuk ndali përkushtimin dhe profesionalizimin e tyre.
3 vjet pas rasteve të para, kujtojmë me krenari përkushtimin e mjekëve, infermierëve dhe stafit tjetër që humbën jetën pas infektimit me Covid-19.
Menaxhimin e suksesshëm të Covid-19 nga ShSKUK, e vlerësoi lartë edhe raporti i progresit i Këshillit të Evropës, publikuar në vitin 2021.
Në mes tjerash, në raport theksohej se autoritetet shëndetësore në Kosovë kanë arritur progres signifikant në përmirësimin e mbikëqyrjes, hulumimit, gjurmimit të rasteve dhe në menaxhimin e rasteveve me Covid-19.
Edhe sot, 3 vjet pas rasteve të para, ShSKUK po vazhdon të trajtojë raste të spitalizuara me Covid-19.