Shërbimi Spitalor Klinik dhe Universitar i Kosovës (ShSKUK) ka mirëpritur Raportin e Auditimit për vitin 2025. Sipas një njoftimi zyrtar, SHSKUK ka sqaruar se produktet e evidentuara me afat të skaduar nuk janë barna dhe se raporti nuk ka identifikuar raste të keqpërdorimit të mjeteve financiare.
Ky institucion ka sqaruar se produktet e evidentuara me afat të skaduar nuk janë barna, por uniforma të mbetura nga rezervat e pandemisë, të cilat nuk janë përdorur dhe kanë arritur afatin e përdorimit. Sipas SHSKUK-së, ato janë larguar nga përdorimi dhe rekomandimet për këtë çështje janë zbatuar, transmeton Gazeta Shneta.
Në reagim thuhet se raporti nuk ka identifikuar raste të keqpërdorimit të mjeteve publike, dëmtimit të buxhetit, përfitimeve të kundërligjshme apo humbjeve financiare. Gjetjet lidhen kryesisht me çështje teknike, procedurale dhe të raportimit financiar.
“Si një nga organizatat buxhetore më të mëdha në vend, me afër 8,000 punonjës, mbi 10 milionë shërbime shëndetësore të ofruara gjatë vitit dhe një buxhet vjetor prej rreth 200 milionë eurosh, SHSKUK menaxhon një sistem kompleks që përfshin QKUK-në, spitalet e përgjithshme, institucionet e shëndetit mendor dhe njësitë e tjera përbërëse. Pavarësisht kompleksitetit të këtij sistemi, gjetjet e auditorit kanë të bëjnë kryesisht me përmirësime administrative dhe teknike, e jo me keqmenaxhim financiar apo dëmtim të buxhetit”, thuhet në njoftim.
Ndër të tjera, SHSKUK ka njoftuar se pas pranimit të draft-raportit ka nisur zbatimin e rekomandimeve të auditorit.
Njoftimi i plotë: