Ju keni nëntë muaj për t’u përgatitur për ardhjen e fëmijës në jetë. Kjo do të thotë se keni 270 ditë në dispozicion për të blerë rroba për vogëlushin/vogëlushen që do t’i shtohet së shpejti familjes.
Sipas një sondazhi ku u pyetën gratë për gabimin e tyre më të madh financiar si nëna për herë të parë, konsensusi ishte i qartë: shpenzimi i tepërt. Në retrospektivë, 40 për qind e nënave thonë se kanë shpenzuar shumë më tepër për gjëra të panevojshme si veshjet, lodrat.
Arsyet e tjera ishin frekuentimi i shumë restoranteve, në vend që të kursenin për arsimimin e fëmijës, si dhe punësimi i një dadoje në vend që ta çonin fëmijën në çerdhe.
Nëse ju dhe partneri juaj po planifikoni për ardhjen e foshnjës në jetë, është koha që të bëni këtë bisedë. Megjithëse nuk është aq e këndshme sa arredimi i dhomës së foshnjës, diskutimi i një plani financiar dhe buxheti i foshnjës është një pjesë thelbësore e përgatitjes për të.
Të tjera shpenzime që për prindërit ishin të papritura deri në kohën që erdhën fëmijët në jetë ishin shpenzimet për çerdhen e kopshtin si dhe për kujdesin shëndetësor. Pasi ta dini se sa ju nevojiten, mund të filloni të kurseni për fëmijën tuaj hap pas hapi për shkollën, librat etj. /pernenat