Të Sapolindurit bëjnë atë që quhet frymëmarrje periodike: Ata marrin frymë në mënyrë progresive më shpejt dhe thellë, pastaj më ngadalë dhe cekët, pastaj pushojnë deri në 15 sekonda, dhe pastaj fillojnë përsëri me frymëmarrje gjithnjë e më të thella.
Kjo është normale dhe do të zhvillohet në një model më të pjekur të frymëmarrjes, me ofshama të rastit, në muajt e parë të jetës. Në shumicën e rasteve, zakonet e frymëmarrjes së parregullt të foshnjave nuk kanë asgjë për t’u shqetësuar.
Nuk është e pazakontë që duart e një fëmijë, këmbët dhe lëkua rreth gojës së tij të jetë pak kaltëroshe. Por në qoftë se e tërë fytyra e tij ose trungu i trupit të tij kthehet blu, kjo është një shenjë se mund të jetë në rrezik.
Nëse dyshoni se fëmija juaj ka ndaluar frymëmarrjen ose thjesht doni të siguroheni, prekeni ose zgjojeni pak për të parë nëse përgjigjet. Fërkojani shpinën ose goditeni te shputat.Nëse ai nuk përgjigjet, ai mund të jetë duke përjetuar diçka të quajtur apnea,( ndalim i frymëmarrjes gjatë gjumit) dhe ju duhet të telefononi menjëherë urgjencën.
Nëse kjo ndodh dhe ju dini sesi të kryeni rianimim foshnjor, filloni trajtimin urgjent ndërsa dikush pranë jush të telefonojë për ndihmë emergjente.
Nëse jeni vetëm me fëmijën tuaj, kryeni rianimimin për dy minuta, pastaj thërrisni për ndihmë dhe rifilloni sërish frymëmarrja artificiale derisa të mbërrijë ndihma apo fëmija juaj të nisë të marrë frymë përsëri.
Nëse fëmija juaj ndalon së marri frymë për 20 sekonda apo më shumë, bëhet i butë, kthehet blu apo i zbehtë, dhe mbytet apo mbyll gojën, ai mund të jetë duke kaluar një ngjarje rrezikuese për jetën dhe ka nevojë për kujdes të menjëhershëm mjekësor.