Gjatë pandemisë së COVID-19, vajzat adoleshente përjetuan rritje të ndjeshme të simptomave depresive, por një studim i ri tregon se lidhja e zakonshme mes pubertetit të hershëm dhe depresionit nuk ishte më aq e fortë gjatë kësaj periudhe.
Sipas Kathleen McCormick, psikologe në Universitetin Cornell, puberteti është një përvojë sociale, jo vetëm biologjike.
Mbyllja e shkollave dhe kalimi në mësimin online ndoshta u dha vajzave mundësinë të fshehin ndryshimet fizike, duke zbutur ndikimin psikologjik të pubertetit, shkruan MedicalXpress transmeton Gazeta Shneta.
Megjithatë, niveli i përgjithshëm i depresionit te vajzat ishte shumë më i lartë gjatë pandemisë krahasuar me para saj.
Po ashtu, vajzat që përjetuan menstruacione të para më herët gjatë pandemisë, raportuan më shumë simptoma depresive.
McCormick thekson nevojën për studime të mëtejshme dhe vlerëson se pandemia hapi mundësi të reja për mbledhjen e të dhënave në shkallë më të gjerë.