Alergjitë nuk janë vetëm një bezdisje e momentit. Nëse ju apo fëmijët tuaj keni alegji sezonale ose që shkaktohen nga ushqimi, ky është sinjal i qartë që nuk duhet anashkaluar.
Pasi që për prindërit nganjëherë bëhet e pamundur që të kontrollojnë gjithçka që fëmijët e tyre hanë, pediatrët rekomandojnë që të paktën të jenë të vëmdneshëm ndaj çdo simptome, përcjellë GazetaShneta.
Ja disa nga këto simptoma:
Alergji nga mjedisi
Simptomat: Teshtitja, fyti i irrituar, hundët e zëna ose “të lëngshme”, sytë e skuqur apo masa të lëngshme në veshë; këto janë disa simptoma që shpesh ngatërrohen mes gripit dhe alergjisë. Zgjidhja: nëse fëmija nuk ka ethe dhe këto simptoma zgjasin më shumë se një javë, atëherë fëmija ka alergji. Nëse ato shfaqen në kohën e pranverës fëmija mund të ndikohet nga bari, pemën, poleni, myku në gjethe, shkruan Mother.ly.
Alergji nga brenda:
Alergjitë që mund të shkaktohen nga ambientet e brendshme mund të vijnë nga kafshët shtëpiake, insektet, mobiljet dhe qilimi, minjtë dhe myku. Këta shkaktarë mund të ndikojnë menjëherë në shfajen e alergjisë por mund të marrin edhe disa orë deri sa të kryejnë efektin.
Polinoza – Riniti alergjik
Alergjia më e shpeshtë që e hasim tek fëmijët si dhe të rriturit. Shkaktohet nga ndërrimet sezonale por edhe ambienti i brendshëm. Simptomat janë: Hundë “te ujshme” me mukozë transparente ose të zbehtë, teshtima, sy të skuqur dhe me lot, kruarje të hundës, gojës dhe syve. Nëse kjo alergji nuk trajtohet brenda kohës mund të shkaktojë bllokim hundor, kollitje intensive, dhimbje të fytit, dhimbje koke, ose një infeksion i veshit ose sinusit.
Alergjitë nga ushqimi
Sipas të dhënave të Allergy and Asthma Netëork, rreth 6 milion fëmijë nëpër botë kanë alergji nga ushqimi. Disa nga ushqimet: qumështi i lopës, vezet, gjalpi i kikirikut, peshku, guacka deti, gruri, soja. Simptomat janë të lehta por nësë nuk trajtohen me kohë ato përkeqësohen dhe mund të shkojnë deri në fatalitet; disa nga to janë: lëkurë e skuqur që kruhet, ënjtje, ethe, kruarje në gojë dhe ënjtje e gjuhës dhe buzëve, të vjella, ngërç dhe barkqitje, kollitje, ngushtim i gjoksit, frymëmarrje të shkurta, kokëdhembje, bllokim hundor, djersitje dhe sy me lot.
Alergji tjera serioze
Fëmijët mund të marrin alergjitë edhe nga shkaktarë tjera siç janë: reagimi ndaj helmimit të insekteve, ilaçet e ndryshme, pickimi nga bleta ose milingonat; alergjia mund të shfaqet edhe nga materiali i gomës (latex) që gjendet tek balonat, lidhëset e flokëve, dorëza, syza, biberoni etj.
Këshillohet shumë që për gjithçka të pazakonshme të bëni kontroll të menjëhershëm sepse sa më herët që zbulohet alergjia aq më shpejtë evitohen komplikimet dhe fataliteti. /GazetaShneta/